بەپێی شاسوار عەبدولواحید، لە گرتەڤیدیۆیێکی تۆمارکراودا کە میدیای جووڵانەوەکەی بڵاویکردەوەتەوە، ڕایگەیاند: "پارتی و یەکێتی بێباکانە وڵاتیان وەکوو موڵکی باوکیان دابەش کردووە و یاری بە سامان و داهاتووی خۆمان و نەوەکانمانەوە دەکەن".

ئاماژەی بەوەش کرد: "یەکێتی و پارتی سوودیان لە پەرشوبڵاوی خەڵک، کۆمەڵگە، گرووپ و جووڵانەوە ئۆپۆزسیۆنەکان، نەچون بۆ دەنگدان و بێهیوای خەڵک وەرگرتوە. تەنها یەک هەفتە ماوەوە بۆ ناو تۆمارکردنی هاوپەیمانیەتیەکان، بۆیە ئیتر کاتی ئەوەیە بەرەیەکی یەکگرتوی بەهێز لە دەرەوەی دەسەڵات پێکبهێنین".

سەرۆکی جووڵانەوەی نەوەی نوێ باسی لەوەشکرد، "ئێمە داوا لە هەمو هێز و گروپێک دەکەین کە خۆیان بە ئۆپۆزسیۆن دەزانن، تەنانەت ئەوانەی سەربەخۆشن، کاتی کاری پێکەوەیی و دروستکردنی بەرەیەکی بەهێزی فراوانە".

ناوبراو دەشڵێت: "هەر گرووپ و لایەنێک کە نەیەت بە دەم بانگەوازەکەمانەوە ئەوە دیارە بیر لە بەرژەوەندی خۆی دەکاتەوە و بڕیار دەستیخۆیاندا نیە و کەسێک لە سەروی ئەوانەوە بڕیار دەدات".