بەپێی هەواڵی کوردپرێس، ئارەش لهۆنی، پارێزگاری کوردستان لە کورتە ڤیدیۆیێکدا کە لە لاپەڕەی تایبەتی پارێزگاریی کوردستاندا بڵاو کراوەتەوە ڕایگەیاند: ڕۆژی سێشەممە ۳۰ی گوڵانی ۱۴۰۴ی هەتاوی پارێزگارەکانی هەولێر، سلێمانی، دهوک و هەڵەبجە سەردانی شاری سنە دەکەن. گوتیشی، سەرنجی سەرەکیی سەردانەکە گەشەپێدانی ئابووری دەبێت لەگەڵ هەرێمی کوردستان.

بە گوتەی پارێزگاری سنە، لە کۆبوونەوەکەدا پارێزگارانی کرماشان و ورمێش بەشدار دەبن.

ئارەش لهۆنی وتیشی: "تاوەکوو ئێستا نەمانتوانیوە بەتەواوی کەڵک لە بازاڕی عێراق وەربگرین وەک پێویست، بەڵام بەلەبەرچاوگرتنی پەیوەندیی کولتووری، دەتوانین پەیوەندییەکان پەرەپێبدەین".