زیاتر لە هەزار بەرهەم لە سەرانسەری جیهانەوە بۆ نووسینگەی خەڵاتی هەژار نێردراون و ۱۰۰ داوەر لە ناوچە جیاوازەکانی جیهانەوە کاری هەڵسەنگاندنی بەرهەمەکانیان لەئەستۆ گرتووە. ئەم خەڵاتە کلتووری و زانستیە حەوتەی یەکەمی جۆزەردان، لە ساڵڕۆژی لە دایک بوونی مامۆستا هەژار بەڕێوەدەچێت.
بەشی فەرهەنگ- پۆستەری ڕێوڕەسمی "ڕێزلێنان لە ناودارانی زمان و ئەدەبی کوردی" بە ئامادەبوونی سەرۆک و یاریدەری سەرۆک بۆ لێکۆڵینەوە و تەکنەلۆژیای زانستگای کوردستان، سەرۆکی توێژینگەی کوردستان ناسی و هەروەها بەڕێوەبەری لێکۆڵینەوە مێژوویی و فەرهەنگییەکانی ناوەندی کوردستان ناسیی زانستگای کوردستان پەردەی لەسەر لادرا.
